Savisman Kray snippets waiting to become a krio poem

Aaai
savisman Krai
i bet im finga don i kray
i kray o! aah, i kray

i kray yay wata
boku wata
bita bita kray
i kray so tae
bot di wata no du fo wass fes sef
fo klia im yay
no fo si soch whala egen

bot i lek sef wae savisman boxop
di yay wata o di briwi wata o
i no du fo mek i foget

savisman kin stil drim
drim da wowor
di tem wae fredman kontri ton raybel kontri
ton babu yay libaman kontri

di ting wey motal man no yek fo du im kompin
wey shem don na kontri
to God, shem don keng
mek motal man misbiyev
wae sote naw
savisman kin yek smol smol

no mek lek yu no no wetin man dae tok bot o
amputi ton wod pan krio
grani dem get spots day
ol aws rile
foh dae ron nomo en jomp fench
ton pikin galfren
no mek foget o
mek da shem no kam egen

dayman ton komon tin na motoka trit
dayman bizness smel pan wi
dog ton lepet
dae it motal man bif
Mek a lef fo tok?
yu no wan yeri egen?
well na yu aks mi wetin mek savisman kray